У нядзелю, 28 кастрычніка 2012 г., Патрыярх Кіеўскі і ўсяе Русі-Украіны Філарэт, у часе візыта ў ЗША, узначаліў служэньне Боскае Літургіі ў царкве Сьвятое Сафіі ў г.Чыкага (шт. Ілінойс). Украінскаму Патрыярху саслужылі кіраўнік спраў Кіеўскае Патрыярхіі япіскап Вышгарадзкі Агапіт, прадстаяцель БАПЦ архіяпіскап Наваградзкі Сьвятаслаў і ўкраінскае праваслаўнае духавенства. Пасьля Набажэнства адбылася прыняцьце ў Украінскім Культурным Цэнтры.