Асьвячэньне Беларускага Крыжа ў Канадзе

posted Sep 29, 2013, 7:25 PM by Belarusian Church   [ updated Sep 29, 2013, 7:27 PM ]
У сыботу 28 верасьня 2013 л.Б., на другі дзень сьвята Ўзьняцьця Крыжа Госпадавага, беларусы Канады аднавілі Еўпрасіньнеўскі Крыж, які быў пастаўлены 25 гадоў таму ў памяць 1000-годзьдзя Хрысьціянства ў Беларусі, у г. Мідлэнд (правінцыя Антарыё, Канада). 



Новы крыж, замест папярэдняга, што ўжо састарэў, быў выраблены парафіянінам царквы Сьв. Кірылы Тураўскага ў Таронта спадаром Юрыям Шаўчэнкам, талакою быў узьняты і ўрачыста асьвячаны архіяпіскапам Сьвятаславам і а. Яўгенам у прысутнасьці вернікаў БАПЦ і сябраў Згуртаваньня Беларусаў Канады.


Гэты Крыж стаў месцам паломніцтва беларусаў, дзе таксама й іншыя хрысьціянскія народы, якія прыехалі ў Канаду, ставяць крыжы ў памяць пра сваю Бацькаўшчыну.