Абрад асьвячэньня Помніка выканаў Патрыярх Кіеўскі і ўсяе Русі-Ўкраіны Сьвяцейшы Філарэт (які перабывае зь візытам у Амерыцы), супольна са сьвятарствам, дзе, з дабраслаўленьня япіскапа Сьвятаслава, браў удзел пратаярэй а.Зінові, настаяцель Парахвіі Сьв. Жыровіцкае Іконы Божае Маці Беларускае Аўтакефальнае Паваслаўнае Царквы ў г.Гайлянд Парку (штат Нью Джэрзі). 

Помнік гэты ёсьць зьменшанай копіяй Помніка Галадамору, які стаіць на Міхайлаўскай плошчы ў сталіцы Ўкраіны г.Кіеве.