Малітва за блізкіх у апошнюю нядзелю Каляднага Посту

posted Dec 28, 2010, 5:32 PM by Belarusian Church
Зьвяртаюся да сьвятароў і вернікаў Беларускае Аўтакефальнае Праваслаўнае Царквы, каб у апошнюю нядзелю Каляднага Посту, 2-га студзеня 2011 г., на сьвятой Літургіі памаліцца за здароўе і выратаваньне пацярпелых людзей у сталічным Менску і па ўсёй Беларусі ў часе Выбараў 19 сьнежня 2010 г. з прачытаньнем малітвы за Беларускі народ.

Зьвяртаюся таксама да праваслаўных вернікаў Беларускага Экзархату Расейскае Праваслаўнае Царквы: падавайце ў сваіх Парафіях запіскі

За здароўе арыштаваных кандыдатаў у прэзыдэнты –

Уладзіміра,
Віталя,
Андрэя,
Мікалая,
Аляксея,

усіх нашых братоў і сёстраў - затрыманых, зьбітых, ды іхныя сем’і.

Каб Госпад даў ім духоўныя і фізычныя сілы, узмацніў іхную веру, выбачыў іхныя правіны вольныя й нявольныя.


Дзякуй за малітву,

+ Сьвятаслаў

Кіруючы Япіскап БАПЦ.
Comments