Копія Крыжа сьвятое Еўпрасіньні Полацкае была вырабленая і ахвяраваная Беларускаму праваслаўнаму Катэдральнаму сабору сьв. Кірылы Тураўскага ў Нью Ёрку, ЗША. Майстру сп-ру Ігару Вырвічу ў дзень сьвяткаваньня Парафіяльнага сьвята была ўручаная Грамата кіруючага япіскапа БАПЦ. Еўпрасіньнеўскі Крыж пакладзены ў храме, дзе таксама знаходзіцца ікона звышгоднае Еўпрасіньні, ігуменьні Полацкае з часткаю ейных мошчаў.