Асьвячэньне пасак і іншае вялікоднае ежы звычайна бывае пасьля Сьв.Літургіі ў першы дзень Вялікадня, каля царквы, альбо ў прытворы царквы.

  Калі асьвячэньне пасак не адразу пасьля багаслужбы, альбо - ў хаце, то пачатак як на Вялікоднай Ранішняй:

Сьвятар: Слава Сьвятой, Адзінаіснай і Жыцьцятвор-чай і Непадзельнай Тройцы, заўсёды, і цяпер, і ўвесь час, і на вякі вечныя. Амін. Хрыстос уваскрос...

Хор: Хрыстос уваскрос... (3)

Сьвятар: Ды ўваскрэсьне Бог... (і так - усе стыхіры)

Хор: Хрыстос уваскрос...  (а потым малітвы)

 

    Калі асьвячэньне Пасак - пасьля Багаслужбы, то:

Дыякан: Дабраслаў Уладыка.

Сьвятар: Дабраславёны Бог наш, цяпер, і ўвесь час, і на вякі вечныя.

Хор: Амін.

Хрыстос уваскрос зь мёртвых, сьмерцяю сьмерць паканаў, і тым, што ў магілах, жыцьцё дараваў. (3)

Дыякан: Госпаду памолімся.

Хор:  Госпадзе, памілуй.

            Малітва на дабраслаўвеньне хлеба (пасак).

Сьвятар: Уладыка Сьвяты, Ойча Ўсеўладарны, Прадвечны Божа! Дабраслаў асьвяціць хлеб гэты Тваім сьвятым духоўным дабраславеньнем, каб быў ён усім, хто спажывае яго, на збаўленьне душы, на здароўе цялеснае, і абаронаю супраць усякае немачы, усякага варожага подступа, - праз Госпада нашага Ісуса Хрыста, што зь неба сышоў, дае жыцьцё й збаўленьне сьвету, з Табою жыве і ўладаруе ў яднаньні Сьвятога Духа, цяпер, і ўвесь час, і на вякі вечныя.

Хор: Амін.

Дыякан: Госпаду памолімся.

Хор: Госпадзе, памілуй.

    Малітва на дабраславеньне агнца Пасхальнага.

Сьвятар: Паглянь, Госпадзе Ісусе Хрысьце, Божа наш,  на агнца гэтага і на стравы мясныя, дабраслаў і асьвяці іх, як асьвяціў агнца, якога Табе прывёў верны Абрагам, і агнца, якога Табе Авель прынёс ад пладоў, таксама й цяля гадованага, якога закалоць загадаў для сына блуднага, што зноў павярнуўся да Цябе. Як той удастоіўся Тваёй дабрыні насаладзіцца, так і мы ад Цябе, гэтых дабраславёных і асьвячаных страў спажываючы, Тваё дабраславеньне са здароўем атрымаем, дзеля чэсьцьнага Крыжа Тваяго й трыдзённага зь мёртвых Уваскрасеньня.

 Бо Ты ёсьць сапраўдная Пажыва й Падацель дабра, што ўсё дабраслаўляеш і асьвячаеш, Хрысьце Божа наш, і Табе славу ўзносім з Безпачатковым Тваім Айцом, і з Прасьвятым, і Добрым, і Жыцьцятворчым Тваім Духам, цяпер, і ўвесь час, і на вякі вечныя.

Хор: Амін.

Дыякан: Госпаду памолімся.

Хор: Госпадзе памілуй.

            Малітва на дабраслаўвеньне сыра і яек.

Сьвятар: Уладару Госпадзе Божа наш, Сатварыцелю ўсіх, дабраслаў малако згусьцеўшае, зь ім жа і яйкі й іншую ежу, і нас захавай у дабрыні Тваёй, каб спажываючы Тваіх шчодра паданых дароў, насыцілі-ся і невымоўнае Тваёй дабрыні дзеля прасьветлага зь

мёртвых трыдзённага ўваскрасеньня Госпада нашага Ісуса Хрыста.

(выгалас) Бо Твая ёсьць Дзяржава, і Тваё ёсьць Уладарстава, і сіла, і слава, Айца, і Сына, і Сьвятога Духа, цяпер, і ўвесь час, і на вякі вечныя.

Хор:  Амін.

Сьвятар:  кропіць паскі і людзей сьвянцонай вадой, выгалошваючы: Хрыстос Уваскрос! Людзі адказваюць: Сапраўды Ўваскрос!  Альбо спачатку:

Сьвятар:  Дабраслаўляецца і асьвячаецца пажыва гэтая акрапленьнем вады гэтае сьвянцонае ў імя Айца+, і Сына+, і Сьвятога+ Духа+. Амін. (3)

У часе асьвячэньня пасак хор пяе Сьціхіры Вялікадня.

Потым Вялікодны водпуст.

(Чын асьвячэньня пасак можа паўтарацца некалькі разоў на працягу першага дня Вялікадня. Таксама - можа адбывацца ў сыботу перад сьвятам Вялікадня па далёкіх ад царквы месцах.)