Пасьля Заамбоннае малітвы на Сьв. Літургіі, альбо пасьля Літургіі дыякан кадзіць зельле й насеньне ў прытворы храму, альбо каля храму.

Пачатак звычайны, альбо адразу - чытаньне малітваў:

Сьвятар:  Дабраслаўлёны Бог наш...  

Хор:  Амін.

Чытар:  Уладару нябесны...  Трысьвятое.  Прасьвятая              Тройце...   Ойча наш.  

Сьвятар: Бо тваё ёсьць Уладарства... 

Хор:  Амін.

Дыякан: Госпаду памолімся.

Хор: Госпадзе, памілуй.

Сьвятар: Госпадзе Божа наш, Вялічны й Прамудры Творца сьвету і ўсяе прыгажосьці яго! Якія вяліч-ныя  справы  Твае, якія  прыгожыя  тварэньні  Твае !

Але  найболей  нам  бачныя  Твая  любоў  ды  апека.

Тваю бязьмежную Ласку, Міласэрны Госпадзе, выяўляеш Ты ў вялікіх і ў малых тварэньнях Сваіх да нашага грэшнага чалавечага роду, абдароўваючы нас і зямлю нашу ўсіма родамі раслінаў на пажыву, уцеху й навуку нашу, каб каля іх працуючы, мы навучаліся Тваёй прамудрасьці й душою падносіліся да Цябе, Ойча сьвету, ад якога выходзіць усякая добрая пажыва і ўсякі дар зьвершаны. Дабраслаў жа, Госпадзе, і асьвяці зельле гэтае, якое вырасьціла з Тваёй Ласкі зямля нашая ў гэтым годзе; справы рук нашых накіровуй; ад усякай нячыстаты, што прыстала да іх праз грахі нашыя, ачышчай і асьвячай Сваёю Ласкаю Божаю праз акрапленьне вадой гэтай сьвянцонай. Прамудры Госпадзе, за малітвы Прасьвятое Багародзіцы і ўсіх сьвятых, дабраслаў+, ачысьці+ й асьвяці+ зельле+ гэтае, што верныя слугі Твае для асьвячэньне прынесьлі, і ўсякую расліну і кветы, што на пажыву і ўцеху нашую, на духоўную й цялесную карысьць Ты нам у гэтым годзе ўрадзіў, каб уцяшаючыся і спажываючы іх, мы асьвячаліся сьвятымі Тваімі дарамі й удастоіліся нябеснага тваяго Ўладарства, ды славу Табе ўзносілі, Айцу і Сыну і Сьвятому Духу, заўсёды, і цяпер, і ўвесь час, і на вякі вечныя.

Хор: Амін.

Сьвятар: кропіць сьвянцонай вадой зельле і выгалошвае:           Дабраслаўляецца і асьвячаецца зельле гэтае (травы, кветы, мак, мёд...) акрапленьнем вады гэтае сьвянцонае ў імя Айца+, і Сына+, і Сьвятога+ Духа+. Амін. (3)

Хор: спявае Трапары сьвята.