Прэмію імя Міколы Ганька атрымала “Бацькаўшчына”

posted Nov 8, 2011, 6:31 PM by Belarusian Church
У офісе Згуртавання беларусаў свету “Бацькаўшчына” адбылося ўручэнне гэтай арганізацыі прэміі імя Міколы Ганько.
Мікола Ганько (1924-1999) – вядомы рэлігійны і грамадскі дзеяч Канады, шматгадовы старшыня ЗБК і царкоўнай парафіі імя Св. Кірылы Тураўскага, аўтар шматлікіх артыкулаў на тэмы беларускага жыцьця ў Канадзе.
Прэмію заснавала ў 2009 годзе ягоная ўдава Марыя Ганько, аўтарка кнігі
“Каб сьведчылі пра Беларусь”, якая выйшла ў выдавецтве “Бацькаўшчына” ў 2005 годзе. У гэтай кнізе шмат цікавых фактаў з жыцця беларускай дыяспары ў Канадзе. Але галоўнае ў ёй – светлае і моцнае пачуццё любові, якое Марыя і Мікола Ганькі пранеслі праз многія гады.
Лаўрэатамі гэтай прэміі ўжо сталі вядомая пісьменніца Вольга Іпатава (2009) і рэдактарка газеты “Беларускае слова” Віялета Кавалёва (2010), за змястоўныя і цікавыя матэрыялы пра жыцьцё беларусаў у Канадзе.


Дырэктар грамадскага Інстытута гуманітарных і экалагічных тэхналогій Ягор Фядзюшын па даручэнні сп. Марыі ўручае грамату і прэмію імя М. Ганька старшыні ЗБС Алене Макоўскай  


Марыя і Мікола Ганько ў дзень вяселля 


У офісе “Бацькаўшчыны”


Дыплом імя Міколы Ганька

Comments